បុគ្គលិករៀបចំថវិការ និងផែនការហិរញ្ញវត្ថុ

បុគ្គលិករៀបចំថវិកា និងផែនការ មានទំនួលខុសត្រូវជួយគាំទ្រក្នុងការគ្រប់គ្រង ការរៀបចំផែនការហិរញ្ញវត្ថុ ការព្យាករណ៍លទ្ធផលហិរញ្ញវត្ថុ និងការវិភាគទិន្នន័យហិរញ្ញវត្ថុ ដើម្បីគាំទ្រដល់ការសម្រេចចិត្តរបស់ថ្នាក់ដឹកនាំ ធានាការប្រើប្រាស់ធនធានហិរញ្ញវត្ថុប្រកបដោយប្រសិទ្ធភាព និងស្របតាមគោលដៅអាជីវកម្មរបស់ក្រុមហ៊ុន។

Main Duties (ភារកិច្ចចម្បង):

• ចូលរួមរៀបចំ និងប្រមូលទិន្នន័យសម្រាប់ផែនការហិរញ្ញវត្ថុ និងថវិកាប្រចាំឆ្នាំរបស់ក្រុមហ៊ុន។
• រៀបចំ និងធ្វើបច្ចុប្បន្នភាពផែនការថវិកា និងការព្យាករណ៍ហិរញ្ញវត្ថុ ​ប្រចាំខែ ត្រីមាស និងឆ្នាំ។
• វិភាគចំណូល ចំណាយ ប្រាក់ចំណេញ លំហូរសាច់ប្រាក់ និងសូចនាករហិរញ្ញវត្ថុសំខាន់ៗរបស់ក្រុមហ៊ុន។
• វិភាគភាពខុសគ្នារវាងលទ្ធផលជាក់ស្តែង និងផែនការថវិកា (Budget vs. Actual Analysis) ព្រមទាំងកំណត់មូលហេតុនៃភាពខុសគ្នា (Variance) ។
• រៀបចំការវិភាគចំណាយ និងស្វែងរកឱកាសកាត់បន្ថយចំណាយ ដោយមិនប៉ះពាល់ដល់ប្រសិទ្ធភាពប្រតិបត្តិការ។
• ប្រមូល ផ្ទៀងផ្ទាត់ និងវិភាគទិន្នន័យហិរញ្ញវត្ថុពីប្រភពផ្សេងៗ និងផ្នែកពាក់ព័ន្ធ ដើម្បីធានាភាពត្រឹមត្រូវនៃរបាយការណ៍។
• រៀបចំគំរូហិរញ្ញវត្ថុ (Financial Models) ដើម្បីវាយតម្លៃលទ្ធផលហិរញ្ញវត្ថុក្រោមស្ថានភាពផ្សេងៗ។
• ផ្តល់អនុសាសន៍ផ្អែកលើទិន្នន័យ ដើម្បីគាំទ្រការសម្រេចហិរញ្ញវត្ថុជូនអ្នកគ្រប់គ្រង។
• តាមដាន និងប្រៀបធៀបការចំណាយជាក់ស្តែងរបស់ផ្នែកនីមួយៗធៀបនឹងថវិកាដែលបានអនុម័ត។
• សហការជាមួយផ្នែកគណនេយ្យ ផ្នែកហិរញ្ញវត្ថុ ផ្នែកលក់ និងផ្នែកពាក់ព័ន្ធ ដើម្បីប្រមូល និងផ្ទៀងផ្ទាត់ទិន្នន័យ។
• រៀបចំរបាយការណ៍ស្តីពីការអនុវត្តថវិកា ចំណូល ចំណាយ និងប្រាក់ចំណេញ ព្រមទាំងរបាយការណ៍ផ្សេងតាមតម្រូវការអ្នកគ្រប់គ្រង។
• រៀបចំការព្យាករណ៍ចំណូល ចំណាយ និងប្រាក់ចំណេញ ដោយផ្អែកលើទិន្នន័យចាស់ និងផែនការអាជីវកម្ម។
• រៀបចំតារាងសង្ខេបទិន្នន័យ និង Dashboard សម្រាប់តាមដានសូចនាករប្រតិបត្តិការហិរញ្ញវត្ថុ។
• វិភាគនិន្នាការហិរញ្ញវត្ថុ និងលទ្ធភាពហិរញ្ញវត្ថុនៃគម្រោង ឬសកម្មភាពអាជីវកម្ម ដើម្បីគាំទ្រការសម្រេចចិត្តរបស់អ្នកគ្រប់គ្រង។
• វិភាគ និងកំណត់មូលហេតុនៃបញ្ហា ឬភាពខុសគ្នានៃលទ្ធផលហិរញ្ញវត្ថុ ព្រមទាំងស្នើដំណោះស្រាយ និងអនុសាសន៍កែលម្អជូនអ្នកគ្រប់គ្រង។
• រៀបចំ និងរក្សាទុកឯកសារពាក់ព័ន្ធ ទាំង Hard Copy និង Soft Copy ឱ្យមានរបៀបរៀបរយ និងងាយស្រួលស្វែងរក។
• រក្សាសណ្តាប់ធ្នាប់ គោរពវិន័យនិងបទបញ្ជារផ្ទៃក្នុងរបស់ក្រុមហ៊ុន
• បំពេញការងារផ្សេងៗទៀតតាមការណែនាំរបស់ថ្នាក់គ្រប់គ្រង។

Occasional Duties (ភារកិច្ចម្តងម្កាល):

• រៀបចំការវិភាគហិរញ្ញវត្ថុពិសេស តាមការចាត់តាំងរបស់អ្នកគ្រប់គ្រង។
• រៀបចំការព្យាករណ៍ហិរញ្ញវត្ថុសម្រាប់គម្រោង ឬការវិនិយោគថ្មីៗ។
• ចូលរួមវិភាគលទ្ធផលហិរញ្ញវត្ថុ ដើម្បីគាំទ្រកិច្ចប្រជុំថ្នាក់គ្រប់គ្រង។
• រៀបចំការវិភាគសេណារីយ៉ូហិរញ្ញវត្ថុ ក្នុងករណីមានការផ្លាស់ប្តូរផែនការ ឬស្ថានភាពអាជីវកម្ម។
• អនុវត្តការងារផ្សេងៗដែលពាក់ព័ន្ធនឹងហិរញ្ញវត្ថុ និងផែនការ តាមការចាត់តាំងរបស់អ្នកគ្រប់គ្រង។

• បរិញ្ញាបត្រផ្នែកហិរញ្ញវត្ថុ គណនេយ្យ សេដ្ឋកិច្ច ធនាគារ ឬជំនាញពាក់ព័ន្ធ
• មានបទពិសោធន៍ការងារពាក់ព័ន្ធនឹងហិរញ្ញវត្ថុ គណនេយ្យ ការរៀបចំថវិកា ឬការវិភាគទិន្នន័យហិរញ្ញវត្ថុយ៉ាងតិច 2ឆ្នាំ
• មានចំណេះដឹងអំពីការរៀបចំថវិកា ការព្យាករណ៍ហិរញ្ញវត្ថុ និងការវិភាគភាពខុសគ្នារវាងផែនការ និងលទ្ធផលជាក់ស្តែង
• ជំនាញរៀបចំថវិកា និងផែនការហិរញ្ញវត្ថុ (Budgeting & Financial Planning)។
• ជំនាញវិភាគទិន្នន័យ និងរបាយការណ៍ហិរញ្ញវត្ថុ (Financial Analysis & Reporting)។
• ជំនាញបង្កើតគំរូហិរញ្ញវត្ថុ និងការព្យាករណ៍ (Financial Modeling & Forecasting)។
• អាចប្រើប្រាស់ Power BI, ERP ឬប្រព័ន្ធហិរញ្ញវត្ថុផ្សេងៗ (ផ្តល់អាទិភាព)
• អាចប្រើប្រាស់កុំព្យូទ័រ Microsoft 365 (Word, Excel, PowerPoint, Outlook, Planner, SharePoint) Internet, Email បានល្អ
• អាចប្រើប្រាស់ភាសាអង់គ្លេសបានល្អ
• អាចធ្វើការជាមួយ Deadline និងការងារច្រើនក្នុងពេលតែមួយ
• សកម្ម និងមានភាពច្នៃប្រឌិត
• យកចិត្តទុកដាក់ចំពោះព័ត៌មានលម្អិត និងភាពជាម្ចាស់ការងារ
• មានសុចរិតភាព និងអាចរក្សាការសម្ងាត់បានខ្ពស់
• ម៉ត់ចត់ អត់ធ្មត់ និងបេ្តជ្ញាចិត្តខ្ពស់ក្នុងការងារ
• មានភាពស្មោះត្រង់ និងមានទំនួលខុសត្រូវការងារ
• ចេះសហការ និងទំនាក់ទំនងល្អក្នុងការងារ