Director of Risk Management and Compliance Department - ប្រធាននាយកដ្ឋានគ្រប់គ្រងហានិភ័យ និងអនុលោមភាព

តួនាទី និងភារកិច្ចដូចខាងក្រោម៖

• រៀបចំ និង អនុវត្តក្របខ័ណ្ឌគ្រប់គ្រងហានិភ័យទាំងអស់សម្រាប់ស្ថាប័ន
• វិភាគ និងវាយតម្លៃជាទៀងទាត់នូវកម្រិតហានិភ័យរបស់ស្ថាប័ន និងផ្តល់អនុសាសន៍ក្នុងការគ្រប់គ្រងហានិភ័យ ប្រកបដោយភាពរឹងមាំ និងប្រសិទ្ធភាព
• វិភាគ, វាយតម្លៃ, និងផ្តល់អនុសាសន៍លើកម្រិតហានិភ័យនៃសំណើសុំការធានាឥណទាន​នីមួយៗ, គម្រោងធានាឥណទាននីមួយៗ និងផលិតផលនានារបស់ ស្ថាប័ន.
• សិក្សា និងបង្កើតពិន្ទុហានិភ័យ (risk scoring) នៃគ្រឹះស្ថានហិរញ្ញវត្ថុចូលរួម និងអ្នកខ្ចីកម្ចីមានការធានា ដើម្បីធានាឱ្យបាននូវការកំណត់លក្ខខណ្ឌនៃការធានា ផ្អែកលើហានិភ័យប្រកបដោយប្រសិទ្ធភាពខ្ពស់
• រៀបចំធ្វើស្ត្រេសតេស្ត និងបង្កើតប្រព័ន្ធឱ្យសញ្ញាជាមុន (Early Warning System) អំពីហានិភ័យឥណទាន, ហានិភ័យប្រតិបត្តិការ,​ ហានិភ័យទីផ្សារ និងហានិភ័យកេរ្តិ៍ឈ្មោះ ជាដើម ដើម្បីកំណត់ហានិភ័យ និងភាពងាយរងគ្រោះ​ដែលអាចកើតមាន ព្រមទាំងពិនិត្យ និងវាយតម្លៃលើលទ្ធផល និងផ្តល់អនុសាសន៍ក្នុងការកែតម្រូវកត្តាហានិភ័យ
• សម្របសម្រួល ក្នុងក្របខណ្ឌវាយតម្លៃហានិភ័យ និងការត្រួតពិនិត្យហានិភ័យរបស់នាយកដ្ឋាន និងអង្គភាពចំណុះស្ថាប័ន (RCSA) ព្រមទាំងបង្កើត តាមដាន និងរាយការណ៍ពីសូចនាករហានិភ័យសំខាន់ៗ (KRI)
• តាមដាន និងត្រួតពិនិត្យអនុលោមភាពរបស់ស្ថាប័នទៅនឹងច្បាប់, បទប្បញ្ញត្តិ, និងគោលការណ៍ណែនាំនានាជាធរមាន
• ត្រួតពិនិត្យ, រាយការណ៍ និងរៀបចំគោលនយោបាយពាក់ព័ន្ធ, ក្របខ័ណ្ឌ, គោលការណ៍​​​ណែនាំ, និងសកម្មភាពកែតម្រូវលើការអនុលោមតាមច្បាប់, និង​បទប្បញ្ញត្តិជាធរ​មាន​ទាក់ទងនឹងបរិស្ថាន សង្គម និងអភិបាលកិច្ច (ESG), និងការសម្អាតប្រាក់ និងហិរញ្ញប្បទាន​ភេរវកម្ម (AML/CFT)
• បង្កើត និងលើកកម្ពស់វប្បធម៌ហានិភ័យ អនុលោមភាពដ៏រឹងមាំនៅស្ថាប័ន
• អនុវត្តការងារផ្សេងទៀត តាមការប្រគល់ជូនរបស់អគ្គនាយក។

បេក្ខជន ត្រូវមានគុណវុឌ្ឍិទូទៅដូចខាងក្រោម៖

• មានសញ្ញាបត្រយ៉ាងតិចថ្នាក់អនុបណ្ឌិតក្នុងជំនាញសេដ្ឋកិច្ច, ហិរញ្ញវត្ថុ, អាជីវកម្ម, គោលនយោបាយសាធារណៈ, គ្រប់គ្រងហានិភ័យ, ច្បាប់ ឬជំនាញប្រហាក់ប្រហែល
• មានបទពិសោធន៍ការងារយ៉ាងតិច ១០ (ដប់) ឆ្នាំក្នុងវិស័យធនាគារ ឬស្ថាប័នហិរញ្ញវត្ថុក្រៅប្រព័ន្ធធនាគារ ជាពិសេសក្នុងផ្នែកហានិភ័យឥណទាន, ហានិភ័យប្រតិបត្តិការ, និងអនុលោមភាព
• មានជំនាញក្នុងការវិភាគ និងគំនិតយុទ្ធសាស្ត្រខ្ពស់
• មានប្រវត្តិការងារជាអ្នកដឹកនាំនៅក្នុងស្ថាប័នហិរញ្ញវត្ថុ
• មានជំនាញក្នុងការសម្របសម្រួល, ទំនាក់ទំនង, បុគ្គលិកភាព និងជំនាញការទូត
• មានស្មារតីធ្វើការងារជាក្រុមដោយមានទំនួលខុសត្រូវ, ភាពបត់បែន, ភាពសម្របខ្លួន ជាមួយនឹងឆន្ទៈប្តេជ្ញា, អត់ធ្មត់ និងនវានុវត្តន៍
• មានសមត្ថភាពកំណត់អាទិភាពការងារ, រៀបចំពេលវេលា និងគ្រប់គ្រង/ចាត់ចែងភារកិច្ចបានយ៉ាងមានប្រសិទ្ធភាព
• មានចំណេះដឹងភាសាខ្មែរ និងភាសាអង់គ្លេសច្បាស់លាស់ អាចប្រើប្រាស់ជាផ្លូវការបាន
• មានជំនាញប្រើប្រាស់កម្មវិធី Microsoft Office ។